ویسٹ انڈیز کیخلاف ٹی 20 سیریز: قومی اسکواڈ کا دوسرا دستہ امریکہ پہنچ گیا

ویسٹ انڈیز کے خلاف تین میچوں پر مشتمل ٹی 20 سیریز کے لیے پاکستان کرکٹ ٹیم کا دوسرا گروپ بھی امریکی شہر میامی، لاڈرہل پہنچ چکا ہے۔

قومی اسکواڈ دو مراحل میں امریکہ پہنچا— پہلا گروپ براستہ ڈھاکا اور دبئی، جبکہ دوسرا گروپ دبئی سے سفر کر کے میامی پہنچا۔ دوسرے دستے میں فاسٹ بولرز شاہین شاہ آفریدی، حارث رؤف، وکٹ کیپر محمد حارث، آل راؤنڈر حسین طلعت، حسن نواز، اوپنر صاحبزادہ فرحان، کوچنگ اسٹاف اور سپورٹ عملہ شامل ہے۔

پاکستان اور ویسٹ انڈیز کے درمیان ٹی 20 سیریز کا آغاز 31 جولائی کو لاڈرہل میں ہوگا۔ دوسرا میچ 2 اگست اور تیسرا و آخری ٹی 20 میچ 3 اگست کو کھیلا جائے گا۔

 پاکستان کا ٹی 20 اسکواڈ
قومی ٹیم کے 15 رکنی ٹی 20 اسکواڈ میں شامل کھلاڑی یہ ہیں:

شاہین شاہ آفریدی، حارث رؤف، حسن علی، فہیم اشرف، فخر زمان، حسین طلعت، خوشدل شاہ، محمد نواز، حسن نواز، صائم ایوب، ابرار احمد، صاحبزادہ فرحان، محمد حارث، سفیان مقیم۔

Pakistan squad touches down in the USA ✈️

T20I series vs West Indies up next 🏏🇵🇰#WIvPAK | #BackTheBoysInGreen pic.twitter.com/AG7cyxWccx

— Pakistan Cricket (@TheRealPCB) July 28, 2025

 پاکستان کا ون ڈے اسکواڈ
16 رکنی ون ڈے ٹیم کی قیادت محمد رضوان کے سپرد ہے، جبکہ دیگر کھلاڑیوں میں شامل ہیں:

سلمان علی آغا (نائب کپتان)، بابر اعظم، عبداللہ شفیق، فہیم اشرف، فخر زمان، حسن علی، شاہین شاہ آفریدی، نسیم شاہ، صائم ایوب، حسین طلعت، محمد نواز، حسن نواز، ابرار احمد، محمد حارث، سفیان مقیم ون ڈے سیریز ویسٹ انڈیز میں منعقد ہوگی، جس کے میچز 8، 10 اور 12 اگست کو شیڈول ہیں۔