مودی سرکار کا سیاسی مفاد کیلئے اپنی فوج کا استعمال ، بھارت میں ڈرون مقابلوں پر رد عمل

بھارتی فوج نے ہماچل پردیش کی اسپیتی وادی میں 10 سے 24 اگست تک ڈرون مقابلے کا اعلان کیا ہے، جس میں ڈرون ساز اداروں کو 10,700 فٹ کی بلندی پر جنگی حالات کے مشابہہ ماحول میں کارکردگی دکھانا ہوگی۔ 

تفصیلات کے مطابق مقابلے کا بظاہر مقصد اونچائی والے علاقوں میں ڈرونز کی افادیت جانچنا بتایا گیا ہے، تاہم بھارتی میڈیا کے مطابق ہماچل اور اتراکھنڈ میں چین کے ساتھ لائن آف ایکچوئل کنٹرول کی نگرانی سینٹرل کمانڈ کے سپرد کر دی گئی ہے۔

 میڈیا رپورٹس کے مطابق بی جے پی حکومت نے قومی سلامتی کے اداروں کو انتخابی مقاصد کے لیے استعمال کرنا شروع کر دیا ہے۔
بھارتی ناقدین کا کہنا ہے کہ ڈرون مقابلوں کو فوج کی مدد سے اشتہاری مہم میں تبدیل کر کے بی جے پی فوج کو سیاسی ہتھیار بنا رہی ہے، اور دفاعی اخراجات کو عوامی فلاح پر ترجیح دی جا رہی ہے۔

ان کا کہنا ہے کہ مودی حکومت آپریشن سندور کی ناکامی پر پردہ ڈالنے اور جنگی ماحول کو بڑھاوا دے کر سیاسی فائدہ حاصل کرنے کی کوشش کر رہی ہے، جو خطے کے امن کے لیے خطرہ بن سکتا ہے۔