امریکا جانے کے خواہشمند افراد کیلئے نئی ویزا شرط کا اعلان

ٹرمپ انتظامیہ کی جانب سے امریکا کا ویزا لینے کے خواہش مند افراد کے لیے ایک نیا فیصلہ سامنے آیا ہے۔

امریکی حکام نے ویزا کے حصول کے لیے ایک پائلٹ پروگرام متعارف کروایا ہے جو 20 اگست سے نافذ العمل ہوگا اور تقریباً ایک سال تک جاری رہے گا۔

امریکی خبر ایجنسی کی رپورٹ کے مطابق اس پالیسی کے تحت اگر امریکی ویزا چاہیے تو 15 ہزار ڈالرز کا بانڈ  بطور ضمانت جمع کروانا ہوگا۔

رپورٹ میں مزید کہا گیا ہے کہ یہ بانڈ صرف عارضی ویزے کے لیے ہوگا، اور اگر ویزہ ہولڈر طے شدہ مدت میں واپس چلا جاتا ہے تو پوری رقم واپس کر دی جائے گی۔