اسلام آباد میں باجوں کی فروخت اور استعمال پر پابندی، ضلعی انتظامیہ متحرک

اسلام آباد کی ضلعی انتظامیہ نے شہر بھر میں باجوں کی فروخت اور استعمال پر پابندی عائد کر دی ہے۔

ڈپٹی کمشنر اسلام آباد کی جانب سے جاری ہدایات کے مطابق شہر کے تمام علاقوں میں اسٹالز سے باجے ضبط کرنے کا فیصلہ کیا گیا ہے۔ انہوں نے تمام متعلقہ افسران کو فوری طور پر فیلڈ میں جا کر مؤثر کارروائی کی ہدایت دی ہے۔

ڈپٹی کمشنر کا کہنا تھا کہ جس علاقے میں باجے برآمد ہوئے، اس کے ذمہ دار متعلقہ افسر کو ٹھہرایا جائے گا۔ انہوں نے واضح کیا کہ یہ کارروائیاں یوم آزادی (14 اگست) تک روزانہ کی بنیاد پر جاری رہیں گی۔