پارلیمنٹ کا میدان خالی نہیں چھوڑا، الیکشن چرائے گئےمگر ہم نے پھر بھی شکست نہیں مانی،بیرسٹر گوہر

اسلام آباد: چیئرمین پاکستان تحریک انصا ف (پی ٹی آئی) بیرسٹر گوہر نے کہا ہے کہ ہم نے پارلیمنٹ کا میدان خالی نہیں چھوڑا، الیکشن ہم سے چرائے گئے، مگر ہم نے پھر بھی شکست تسلیم نہیں کی۔

پارلیمنٹ کے باہر میڈیا سے گفتگو کرتے ہوئےچئیرمین پی ٹی آئی بیرسٹر گوہر کا کہنا تھا کہ کیسز ختم کرانے اور مراعات لینے والوں سے ہمارا راستہ الگ ہے۔

انہوں نے مزید کہا کہ ہمارے ارکان کو کروڑوں روپے کی پیشکش ہوئی، مگر ہم نے انکار کیا ، سب کچھ قربان کیا، لیکن کمپرومائز نہیں کیا، بانی پی ٹی آئی عمران خان کے ساتھ تھے، ہیں اور ہمیشہ رہیں گے۔

 میڈیا سے گفتگو کرتے ہوئے ان کا مزید کہنا تھا کہ پارلیمنٹ کا میدان خالی نہیں چھوڑا، الیکشن ہم سے چرائے گئے، مگر ہم نے پھر بھی شکست تسلیم نہیں کی۔

انہوں نے کہا کہ بانی پی ٹی آئی سے ضرور ملاقات کروں گا، ہم نے آسان آپشنز کے مقابلے میں مشکل راستہ چُنا۔