عالمی و مقامی مارکیٹوں میں سونا ایک دفعہ پھر مہنگا،فی تولہ کتنے کا ہو گیا؟

کراچی:عالمی اور مقامی مارکیٹوں میں جمعہ کے روز سونا مزید مہنگا ہوگیا۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روز مقامی مارکیٹوں میں سونےکی فی تولہ قیمت میں 500روپے کااضافہ ریکارڈ کیا گیا ہے جس کے بعد سونے کی نئی قیمت بڑھ کر 3لاکھ 62ہزار 700 روپے کی سطح پر آگئی۔

 اسی طرح فی 10 گرام سونے کی قیمت میں بھی 428روپے کا اضافہ ہوا جس کے بعد سونے کی نئی قیمت بڑھ کر 3لاکھ 10ہزار 956روپے ہو گئی۔

دوسری جانب عالمی بلین مارکیٹ میں فی اونس سونےقیمت میں 5 ڈالر کا اضافہ ہوا ہے جس کے بعد عالمی مارکیٹ میں سونے کی نئی قیمت 3ہزار 400ڈالر فی اونس ہو گئی ہے۔

اسی طرح ملک میں فی تولہ چاندی کی قیمت 14روپے کے اضافے سے 4ہزار 073روپے اور فی 10 گرام چاندی کی قیمت بھی 12روپے کے اضافے سے 3ہزار 491روپے کی سطح پر آگئی۔

خیال رہے کہ گزشتہ روز سونے کی قیمت میں 2900روپے کا اضافہ ریکارڈ کیا گیا تھا۔