وزیر اعظم شہباز شریف کا آذربائیجان اور آرمینیا کے درمیان تاریخی امن معاہدے کا خیر مقدم

اسلام آباد: وزیر اعظم پاکستان شہباز شریف نے آذربائیجان اور آرمینیا کے درمیان تاریخی امن معاہدے کا خیر مقدم کیا ہے۔

تفصیلات کے مطابق وزیراعظم شہباز شریف نے ایکس پر اپنے پیغام میں کہا کہ آذربائیجان اور آرمینیا کے درمیان امن معاہدے کا خیرم مقدم کرتے ہیں۔

اپنے بیان میں وزیر اعظم شہبازشریف نے کہا کہ دونوں ممالک کے مابین تاریخی معاہدے پر صدر الہام علیف اور عوام کو مبارکباد پیش کرتے ہیں، معاہدہ امن، استحکام اور تعاون کے نئے دور کا آغاز ہے، پاکستان امن کیلئے امریکا کی سہولت کاری کو سراہتا ہے۔

وزیراعظم شہباز شریف نے مزیدکہا کہ دونو ں ممالک کے درمیان تنازعات دہائیوں سے چل رہے تھے، امریکی صدر نے فریقین کو قریب لانے کیلئے معاہدہ کرانے میں مدد دی۔

خیال رہے کہ امن معاہدہ کرانے کے بعد مشترکہ نیوز کانفرنس میں امریکی صدر ڈونلڈ ٹرمپ نے کہا کہ دونوں ممالک تجارت اور معیشت کو ترجیح دیں گے۔