شمالی وزیرستان میں سیکیورٹی فورسز کی نقل و حرکت کے لیے کرفیو نافذ

خیبرپختونخوا کے ضلع شمالی وزیرستان میں آج شام سے پیر، 11 اگست کی صبح تک کرفیو نافذ کر دیا گیا ہے۔

ڈپٹی کمشنر نے اس حوالے سے باضابطہ نوٹیفکیشن جاری کر دیا ہے۔ ضلعی انتظامیہ کے مطابق کرفیو کا مقصد سیکیورٹی فورسز کی محفوظ نقل و حرکت کو یقینی بنانا ہے۔

انتظامیہ نے عوام سے اپیل کی ہے کہ وہ کرفیو کے دوران گھروں تک محدود رہیں اور سڑکوں سے دور رہیں، تاکہ کسی بھی ممکنہ ناخوشگوار واقعے سے بچا جا سکے۔

کرفیو کے دوران صرف سیکیورٹی فورسز کو نقل و حرکت کی اجازت ہوگی۔