بانی پی ٹی آئی اوراہلیہ بشریٰ بی بی کے خلاف توشہ خانہ ٹو کیس کی سماعت ملتوی

راولپنڈی: پاکستان تحریک انصاف (پی ٹی آئی ) کے بانی عمران خان اور ان کی اہلیہ بشریٰ بی بی کے خلاف توشہ خانہ ٹو کیس کی سماعت ملتوی کردی گئی۔

ذرائع کے مطابق توشہ خانہ ٹو کیس کی سماعت آج اڈیالہ جیل میں سپیشل جج سینٹرل اسلام آباد کے روبرو مقرر تھی جسے عدالت نے ملتوی کردیا۔

اس دوران عدالتی عملے نے عمران خان کے وکیل خالد یوسف چودھری کو بھی اس حوالے سے باضابطہ آگاہ کردیا۔

عدالتی عملے کے مطابق کیس کی نئی تاریخ آج جوڈیشل کمپلیکس اسلام آباد میں دی جائے گی۔