اے این ایف اور کسٹمز حکام کی کارروائی ،کروڑوں روپے مالیت کی منشیات اسمگلنگ کی کوشش ناکام
گرفتار ملزمان نے منشیات فروخت کرنے کا اعتراف کیا، تمام ملزمان کے خلاف انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے، ترجمان


اسلام آباد: اینٹی نارکوٹکس فورس (اے این ایف) اور کسٹمز حکام نے ملک کے مختلف شہروں میں منشیات ا سمگلنگ کے خلاف بڑے پیمانے پر کارروائیاں کرتے ہوئے کروڑوں روپے کی مالیت کی منشیات برآمد کر لیں اور متعدد ملزمان کو گرفتار کر لیا۔
ترجمان اے این ایف کے مطابق نارکوٹکس فورس نے تعلیمی اداروں کے اطراف اور دیگر مقامات پر 6 بڑے آپریشنز کیے جن میں ایک نائیجیرین باشندے سمیت 8 ملزمان کو گرفتار کیا گیا۔
کارروائیوں کے دوران مجموعی طور پر 1776کلو گرام منشیات برآمد کی گئیںجس کی مالیت 77 لاکھ 20 ہزار روپے سے زائد کی ہے۔
تعلیمی اداروں کے قریب کی گئی کارروائیوں میں گولڑہ موڑ اسلام آباد کے قریب ایک موٹر سائیکل سوار سے ایک کلو چرس، منڈی موڑ راولپنڈی میں مسافر وین میں سوار دو ملزمان سے50 ایکسٹیسی گولیاں اور کاک پل اسلام آباد کے قریب ایک نائیجیرین شہری سے 35 گرام آئس اور 2 گرام کوکین برآمد ہوئی ۔
دیگر کارروائیوں میں لاہور کے سرکلر روڈ کے قریب 1675 کلو پوٹاشیم پرمیگنیٹ اور 75 کلو نائٹرازیپم برآمد کر کے تین ملزمان کو گرفتار کیا گیا۔
اسی طرح آبپارہ اسلام آباد کے ایک کوریئر آفس سے برطانیہ بھیجے جانے والے پارسل میں 16.420 کلو آئس پکڑی گئی جبکہ ٹی چوک اسلام آباد کے قریب ایک گاڑی سے 9 کلو آئس برآمد کر کے ایک ملزم کو حراست میں لیا گیا۔
ترجمان نے مزید بتایا کہ گرفتار ملزمان نے طلبہ کو منشیات فروخت کرنے کا اعتراف کیا، تمام ملزمان کے خلاف انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
دوسری جانب لاہور کے علاقے اقبال انٹر نیشنل ائیر پورٹ پر کسٹمز حکام نے بھی منشیات سمگلنگ کی ایک بڑی کوشش ناکام بنائی۔
کسٹمز ذرائع کے مطابق بنکاک سے آ نے والے تھائی ائیر لائن کی پرواز TG345 سے پہنچنے والے ایک غیر ملکی مسافر سے15 کلو گرام سے زائد منشیات برآمد کر لیںجس کی مالیت 3 کروڑ 10 لاکھ روپے بتائی گئی۔
کلکٹر کسٹم ایئرپورٹس طاہر حبیب چیمہ کے مطابق نگرانی خفیہ اطلاع پر کی گئی، مسافر پہلے کرین چینل سے بغیر اطلاع کے گزر گیا لیکن جب کچھ دیر بعد سامان لینے واپس آیا تو کسٹمز ٹیم نے اسے روک کر تلاشی لی جس پر منشیات کی بھاری مقدار برآمد ہوئی اور گرفتار مسافر کے خلاف مقدمہ درج کر کے پاکستان میں موجود اس کے ساتھیوں کی تلاش شروع کر دی گئی ہے۔

راولپنڈی: گھر سے خاتون اینکر ربیعہ احسن کی گولی لگی لاش برآمد
- 8 days ago

پیٹرول اور ڈیزل کی قیمتوں میں کمی کا اعلان
- 11 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 8 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 8 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 9 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 9 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 9 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 8 days ago

پولیس افسران کی ترقیوں کے خلاف پنجاب حکومت کی اپیلیں خارج
- 9 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 10 days ago
پہلے ایل پی جی اوراب بجلی بم گرا دیا گیا
- 9 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 10 days ago




