بلوچستان کی ترقی و خوشحالی اور عوام کی فلاح و بہبود حکومت کی اولین ترجیح ہے ،شہبازشریف

اسلام آباد: وزیر اعظم محمد شہباز شریف نے کہا ہے کہ بلوچستان کی ترقی اور خوشحالی اور وہاں کے عوام کی فلاح و بہبود حکومت کی اولین ترجیح ہے۔

تفصیلات کے مطابق وزیر اعظم شہباز شریف سے اسلام آباد میں نیشنل پارٹی کے صدر ڈاکٹر عبدالمالک بلوچ نے ملاقات کی۔

دوران ملاقات شہبازشریف نے گفتگو کرتے ہوئےکہا کہ بلوچستان کی ترقی اور خوشحالی اور وہاں کے عوام کی فلاح و بہبود حکومت کی اولین ترجیح ہے۔

 وزیر اعظم نے مزید کہا کہ حکومت بلوچستان کے نوجوانوں کو تعلیم اور روزگار کے یکساں مواقع فراہم کرنے کے لئے کوشاں ہے۔

ڈاکٹرعبدالمالک بلوچ نے بلوچستان کی ترقی کے لئے خصوصی کوششیں کرنے پر وزیراعظم کا شکریہ ادا کیا۔

اس دوران وزیراعظم کے خصوصی مشیر ڈاکٹر توقیر شاہ بھی موجود تھے۔