شاہین شاہ آفریدی نے ون ڈے کرکٹ میں نیا عالمی ریکارڈ قائم کر لیا

پاکستان کے فاسٹ بولر شاہین شاہ آفریدی نے ون ڈے کرکٹ میں ایک نیا عالمی ریکارڈ قائم کر لیا ہے۔

شاہین شاہ آفریدی نے صرف 65 ون ڈے میچز میں 131 وکٹیں حاصل کر کے یہ اعزاز اپنے نام کیا اور دنیا کے پہلے بولر بن گئے جنہوں نے اتنے کم میچز میں یہ سنگ میل عبور کیا۔

اس سے قبل یہ ریکارڈ افغانستان کے راشد خان کے پاس تھا، جنہوں نے 65 میچز میں 128 وکٹیں حاصل کی تھیں۔

ویسٹ انڈیز کے خلاف اپنے حالیہ میچ میں شاہین آفریدی نے شاندار باؤلنگ کا مظاہرہ کیا، جہاں انہوں نے 51 رنز دے کر 4 وکٹیں حاصل کیں۔

اسی میچ میں شاہین کا ایک شاندار کیچ بھی سوشل میڈیا پر وائرل ہوگیا۔ میچ کے 19ویں اوور میں صائم ایوب کی گیند پر ایون لیوس نے اونچا شاٹ کھیلنے کی کوشش کی، جسے شاہین نے الٹی سمت میں دوڑتے ہوئے شاندار کیچ پکڑ کر پورے اسٹیڈیم کو حیران کن بنا دیا۔

شاہین کے اس شاندار کیچ کی ویڈیو اور تصاویر سوشل میڈیا پر شائقین کرکٹ کی جانب سے خوب سراہا جا رہی ہیں۔