امریکی ائیر پورٹ پر طیارہ لینڈنگ کے دوران دوسرے جہاز سے ٹکرا گیا

امریکی ائیر پورٹ پر ایک چھوٹا طیارہ دوسرے طیارے سے ٹکرا گیا۔

غیر ملکی میڈیا کے مطابق طیاروں کے ٹکرانے کا واقعہ امریکی ریاست مونٹانا کے شہر کیلیسپیل کے ہوائی اڈے پر پیش آیا جس کے نتیجے میں آگ بھڑک اٹھی۔
میڈیا رپورٹس میں بتایا گیا ہے کہ چھوٹے طیارے میں 4 افراد سوار تھے، جس نے ائیرپورٹ پر دوپہر 2 بجے لینڈ ہونا تھا۔

فیڈرل ایوی ایشن ایڈمنسٹریشن کے مطابق ابتدائی تحقیق سے معلوم ہوا ہے کہ حادثہ چھوٹے طیارے کا توازن بگڑنے کے باعث  پیش آیا  جبکہ ساتھ ہی کئی طیارے بھی آگ کی لپیٹ میں آگئے۔

انتظامیہ کے مطابق خوش قسمتی سے حادثے میں کوئی جانی نقصان نہیں ہوا۔