صوبائی حکومت نے 15 اگست کوعام تعطیل کا اعلان کر دیا

لاہور: صوبائی حکومت نے حضرت داتا گنج بخش عرس کے موقع پر لاہور میں 15 اگست کو عام تعطیل کا اعلان کردیا۔

اس حوالے سے صوبائی محکمہ داخلہ کی جانب سے عام تعطیل کا نوٹیفکیشن جاری کر دیا گیا ہے۔

جاری کر دہ نوٹیفکیشن کے مطابق 15 اگست بروز جمعہ لاہور میں چھٹی ہوگی ،لاہور میں 14 اگست یوم آزادی اور 15 اگست کے ساتھ ہفتہ اتوار سمیت 4 دن کی تعطیلات ہوں گی۔

دوسری جانب اسلام آباد میں مقامی سطح پر کل عام تعطیل کا اعلان کر دیا گیا ہے۔یوم آزادی کے سلسلے میں وفاقی دارالحکومت میں 13 اگست کو بھی چھٹی ہوگی۔