اٹلی کے قریب تارکین وطن کی ایک اور کشتی ڈوب گئی،20 افراد جاں بحق،درجنوں لاپتہ

اٹلی کےقریب تارکین وطن کی ایک اورکشتی ڈوب گئی ،کشتی ڈوبنے سے 20 تارکین وطن جاں بحق جبکہ 80افراد کو بچا لیا گیا۔

غیرملکی میڈیا کے مطابق جاں بحق ہونے والے 20 افراد کی لاشیں نکال لی گئی ہیں ، جبکہ کشتی حادثے میں درجنوں افراد اب بھی لاپتہ ہیں۔

میڈیا رپورٹس کے مطابق حادثے کےوقت کشتی پرکم ازکم 150 کےقریب افراد سوار تھے۔

تاہم جاں بحق ہونے والے افراد کا تعلق کن ممالک سے تھا تاحال شناخت سامنے نہیں آسکی۔

واضح رہے حالیہ چند مہینوں میں ایسے کئی واقعات رونما ہوچکے ہیں جس کے نیتجے میں سینکڑوں افراد اپنی جانوں سے ہاتھ دھو بیٹھے ہیں ، کئی افراد کا تعلق پاکستان سے بھی ہے۔

اس سے قبل رواں مہینے کے شروع میں یمن کےساحل کےقریب بھی تارکین وطن کی کشتی ڈوب گئی  تھی ، جس میں متعدد تارکین وطن ہلاک ہوگئے تھے۔