پاکستان کا 78واں جشن آزادی قوم کو مبارک،ملک کے مختلف شہروں میں آتشبازی کا شاندار مظاہرہ

ویب ڈیسک :ملک بھر میں پاکستان کےتمام شہریوں کو ممککت خداداد کا 78 واں یوم آزادی مبارک ہو،جی این این نیوز کی جانب سے اپنے ناظرین سمیت دنیا بھر میں بسنے والے پاکستانیوں کو جشن آزادی مبارک ہو۔

جشن آزادی کے موقع پر ملک کے مختلف شہروں میں شاندار آتش بازی کا مظاہرہ کیا جارہا ہے لوگوں کی بڑی تعداد سڑکوں پر نکل آئی ہے اور جشن آزادی کو بھرپور طریقے سے منا رہے ہیں۔

ملک میں ہر طرف سبز پرچموں کی بہار ہے۔ کراچی، لاہور، اسلام آباد، پشاور، کوئٹہ اور ملتان سمیت ملک کے کونے کونے میں چراغاں اور آتش بازی کا مظاہرہ کیا جارہا ہے۔

یوم آزادی کے موقع پر مینار پاکستان سمیت دیگرچھوٹے بڑے شہروں میں شاندار آتش بازی کا مظاہرہ کیا جا رہا ہے۔

یوم آزادی منانے شہری سڑکوں پرنکل آئے، جگہ جگہ جشن آزادی پر ریلیاں نکالی جا رہی ہیں۔ 

 دوسری جانب وفاقی دارلحکومت اسلام آبادمیں اسپورٹس کمپلیکس میں یومِ آزادی اورمعرکہ حق کی فتح کی تقریب جاری ہےجس میں صدرمملکت آصف علی زرداری، وزیرِاعظم شہباز شریف اور تینوں مسلح افواج کے سربراہان شریک ہیں۔