اگست کے لیے ایل این جی کی قیمتوں میں 1.46 فیصد تک اضافہ، نوٹیفکیشن جاری

آئل اینڈ گیس ریگولیٹری اتھارٹی (اوگرا) نے اگست 2025 کے لیے مائع قدرتی گیس (ایل این جی) کی قیمتوں میں 1.46 فیصد تک اضافہ کر دیا ہے۔

 اوگرا نے اس حوالے سے باضابطہ نوٹیفکیشن جاری کر دیا ہے، جس کے تحت سوئی سدرن کے سسٹم پر ایل این جی کی قیمت میں 0.15 ڈالر فی ایم ایم بی ٹی یو اضافہ کیا گیا ہے، جس کے بعد نئی قیمت 10.73 ڈالر فی ایم ایم بی ٹی یو مقرر کی گئی ہے۔

اسی طرح سوئی ناردرن کے سسٹم پر ایل این جی کی قیمت میں 0.14 ڈالر فی ایم ایم بی ٹی یو کا اضافہ ہوا ہے، جس کے بعد نئی قیمت 11.73 ڈالر فی ایم ایم بی ٹی یو مقرر کی گئی ہے۔

یہ اضافہ بین الاقوامی مارکیٹ میں قیمتوں کے اتار چڑھاؤ کے تناظر میں کیا گیا ہے، اور اس کا اثر مقامی سطح پر گیس صارفین پر پڑنے کا امکان ہے۔