سونے کی قیمتوں میں کمی کا سلسلہ جاری،مزید900روپے سستا

کراچی : عالمی و مقامی مارکیٹوں میں سونے کی قیمتوں میں کمی کا سلسلہ جاری ہے،جس کے بعد سونا مزید 900روپے سستا ہو گیا۔

آل پاکستان جیمز اینڈ جیولرز ایسویسی ایشن کے مطابق آج ہفتے کے روز مقامی مارکیٹوں میں سونا 900 روپے فی تولہ سستا ہوا ہے جس کے بعد سونے کی نئی قیمت 3 لاکھ 56 ہزار 200 روپے ہو گئی ہے۔

اسی طرح 10 گرام سونے کی قیمت میں بھی 771 روپے کی کمی ہوئی جس کےبعدسونے کے نئے نرخ 3 لاکھ 5 ہزار 384 روپے ہو گئے ہیں۔

دوسری جانب عالمی بلین مارکیٹ میں سونے کے نرخ میں 9 ڈالرکی کمی ہوئی ہے جس کے بعد عالمی مارکیٹ میں سونے کی نئی قیمت 3335 ڈالرفی اونس ہو گئی ہے۔