پی سی بی کا 30 کھلاڑیوں کو سینٹرل کنٹریکٹس دینے کا اعلان، اے کیٹیگری ختم

پاکستان کرکٹ بورڈ نے 2025-26 کے لیے 30 کھلاڑیوں کو سینٹرل کنٹریکٹس دینے کا اعلان کر دیا، یہ کنٹریکٹس یکم جولائی 2025 سے 30 جون 2026 تک نافذ رہیں گے۔

پی سی بی نے کنٹریکٹس کی اے کیٹیگری ختم کر دی ہے، گذشتہ سال 27 کھلاڑیوں کو کنٹریکٹ دیا گیا تھا جبکہ اس بار تعداد بڑھا کر 30 کر دی گئی ہے جن میں 12 نئے کھلاڑی شامل ہیں۔ پرفارمنس کی بنیاد پر کیٹیگری بی، سی اور ڈی میں 10،10 کھلاڑی رکھے گئے۔

🚨 3️⃣0️⃣ players have been awarded central contracts for the 2025-26 international season 📝

Read more ➡️ https://t.co/g9epcZUovJ pic.twitter.com/2JGR7kId1Y

— Pakistan Cricket (@TheRealPCB) August 19, 2025

بی کیٹیگری میں بابر اعظم، محمد رضوان، شاہین شاہ، فخر زمان، شاداب خان، ابرار احمد، حارث رؤف، حسن علی، صائم ایوب اور سلمان علی آغا شامل ہیں۔ سی کیٹیگری میں عبداللہ شفیق، نسیم شاہ، سعود شکیل، فہیم اشرف، ساجد خان، محمد نواز، محمد حارث، صہیبزادہ فرحان، حسن نواز اور نعمان علی موجود ہیں۔

ڈی کیٹیگری میں شان مسعود، حسین طلعت، محمد عباس، محمد وسیم جونیئر، محمد عباس آفریدی، خوشدل شاہ، احمد دانیال، سلمان مرزا، خرم شہزاد اور صوفیان مقیم شامل ہیں۔

اعلامیے کے مطابق 9 کھلاڑی اپنی سابقہ کیٹیگری برقرار رکھنے میں کامیاب ہوئے جبکہ 8 اس بار کنٹریکٹ حاصل نہ کر سکے۔