لاہور میں ڈیلٹا وائرس کے وار جاری

ترجمان ہیلتھ کئیر کا کہنا ہے کہ  گزشتہ 3 دن میں لاہور کے مختلف ہسپتالوں سے 85 مشتبہ رینڈم مریضوں کے نمونے لئے گئے،محکمہ کی لیبارٹری میں جین سیکواینسنگ مشین کی مدد سے سیمپلزمیں ڈیلٹا ویرینٹ کی موجودگی کی تصدیق ہوئی ہے۔

ترجمان ہیلتھ کئیر کے مطابق  85 مشتبہ  نمونوں میں سے ٹوٹل 56 میں ڈیلٹا وائرس کی تصدیق ہو چکی ہے۔ شہر  میں ڈیلٹا  وائرس کی روک تھام کیلئے تمام ممکنہ اقدامات کیے جا رہے ہیں۔ڈیلٹا وائرس کے پھیلاؤ کی رفتار دوسرے وائرس سے 50 فیصد زیادہ تیز ہے۔ کرونا ایس او پیز پر عملدرآمد سے اس خطرناک وائرس سے بچا جا سکتا ہے۔

ترجمان پرائمری اینڈ سیکنڈری ہیلتھ کئیر ڈیپارٹمنٹ پنجاب کا کہنا ہے کہ  ڈیلٹا وائرس سے بچاؤ صرف ویکسین لگوانا ہی ہے۔ ویکسین کی بلا تعطل فراہمی یقینی بنائی جا رہی ہے۔18 سال سے زائد عمر کے تمام شہری کورونا وائرس سے بچاؤ کی ویکسین لگوائیں۔ تمام سنٹرز پر  ویکسین وافر مقدار میں موجود ہے۔