انسداد دہشت گردی ایکٹ آئین اور جمہوریت کے چہرے پر طمانچہ ہے، حافظ حمداللہ

جمعیت علمائے اسلام (جے یو آئی) کے رہنما حافظ حمداللہ نے کہا ہے کہ دونوں ایوانوں سے انسداد دہشت گردی ایکٹ کی منظوری آئین اور جمہوریت کے چہرے پر طمانچہ ہے۔

ایک بیان میں حافظ حمداللہ نے پارلیمنٹ سے انسداد دہشت گردی ایکٹ کی منظوری پر شدید ردعمل ظاہر کرتے ہوئے اسے آئین اور جمہوریت کے لیے ایک دھچکہ قرار دیا۔

انہوں نے کہا کہ یہ قانون بدترین کالا قانون ہے، جسے انہوں نے "رولٹ ایکٹ کا دوسرا نام" قرار دیا۔ ان کے مطابق، یہی رولٹ ایکٹ تھا جس کے خلاف بانی پاکستان قائداعظم محمد علی جناح نے انگریز اسمبلی کے فلور پر مخالفت کرتے ہوئے استعفیٰ دیا تھا۔

حافظ حمداللہ نے سوال اٹھایا کہ 25 دسمبر کو یہ حکومتی پارٹیاں اور ان کے سہولت کار قائداعظم کا یوم ولادت کس منہ سے منائیں گے؟