آذربائیجان کا دفاعی وفد ائیر ہیڈکوارٹرز کے دورے پر، پاک فضائیہ سے ٹریننگ میں دلچسپی
آئی ایس پی آر کے مطابق، آذربائیجان کے وفد نے پاک فضائیہ کی پیشہ ورانہ مہارت، آپریشنل تجربات، اور ایرو اسپیس ٹیکنالوجی کے میدان میں نمایاں کامیابیوں کو سراہا


آذربائیجان کے اعلیٰ سطحی دفاعی وفد نے ائیر ہیڈکوارٹرز اسلام آباد کا دورہ کیا اور ملٹی ڈومین وارفیئر سے متعلق پاک فضائیہ کی مکمل حکمتِ عملی سیکھنے کی خواہش کا اظہار کیا۔
آئی ایس پی آر کے مطابق، اس وفد کی قیادت آذربائیجان کے نائب وزیر دفاع اور ڈی جی دفاع ایگل گوربانوف کر رہے تھے۔ وفد نے پاک فضائیہ کے سربراہ، ائیر چیف مارشل ظہیر احمد بابر سدھو سے ملاقات کی، جس میں دوطرفہ دلچسپی کے مختلف امور پر تفصیل سے گفتگو کی گئی۔
ملاقات میں تربیت، تکنیکی مہارت، جدیدیت اور دفاعی تعاون کے فروغ پر اتفاق کیا گیا۔ ائیر چیف نے وفد کو پاک فضائیہ کے جاری منصوبوں، آپریشنل ڈھانچے، اور مستقبل کی جنگی ضروریات کے حوالے سے تفصیلی بریفنگ دی۔
سربراہ پاک فضائیہ نے آذربائیجان کی فضائیہ کو نہ صرف افرادی قوت کی تربیت بلکہ مینٹیننس کے نظام کو بہتر بنانے اور آپریشنل تربیت میں مکمل تعاون کی یقین دہانی کرائی۔
آئی ایس پی آر کے مطابق، آذربائیجان کے وفد نے پاک فضائیہ کی پیشہ ورانہ مہارت، آپریشنل تجربات، اور ایرو اسپیس ٹیکنالوجی کے میدان میں نمایاں کامیابیوں کو سراہا۔ وفد نے ملٹری ٹو ملٹری تعاون کو مزید وسعت دینے میں گہری دلچسپی ظاہر کی۔
آذربائیجان کی جانب سے مشترکہ مشقوں اور تربیتی سرگرمیوں کو بڑھانے پر بھی زور دیا گیا تاکہ دونوں ممالک کے درمیان دفاعی ہم آہنگی اور پیشہ ورانہ صلاحیتوں میں اضافہ ہو۔
وفد نے خاص طور پر "ملٹی ڈومین آپریشنز" کے حوالے سے تعاون کی خواہش ظاہر کی اور کہا کہ پاک فضائیہ کا تجربہ آذربائیجان کی فضائیہ کے لیے ایک قیمتی مثال ہے۔ انہوں نے یہ بھی کہا کہ ان کا ملک اپنے مکمل تربیتی نظام کو ازسرنو ترتیب دینے کا ارادہ رکھتا ہے، اور اس عمل میں پاک فضائیہ کے ساتھ شراکت داری کلیدی کردار ادا کرے گی۔
آئی ایس پی آر کے مطابق یہ دورہ پاکستان اور آذربائیجان کے درمیان اسٹریٹجک شراکت داری کو مزید مستحکم بنانے اور خطے میں امن و استحکام کے مشترکہ اہداف کے حصول کی ایک اور اہم کڑی ہے۔

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 13 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 12 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 12 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 13 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 14 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 13 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 12 دن قبل
پہلے ایل پی جی اوراب بجلی بم گرا دیا گیا
- 13 دن قبل

پیٹرول اور ڈیزل کی قیمتوں میں کمی کا اعلان
- 15 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 13 دن قبل

پشاور میں نادرا کا اسسٹنٹ ڈائریکٹر فائرنگ سے جاں بحق
- 14 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 12 دن قبل



