وزیراعظم شہباز شریف اور روسی صدر پیوٹن کے درمیان اگلے ہفتے ملاقات طے

اسلام آباد: وزیراعظم شہباز شریف اور روسی صدر ولادی میر پیوٹن کے درمیان اگلے ہفتے ملاقات کا امکان ہے۔

حکومتی ذرائع کے مطابق روسی صدر پیوٹن اور وزیراعظم شہباز شریف کی ملاقات سفارتی چینل کے ذریعے طے ہوگئی ہے اور یہ ملاقات اگلے ہفتے ہوگی۔

ذرائع کے مطابق چین میں شنگھائی تعاون تنظیم سمٹ کی سائیڈ لائن پر دونوں شخصیات کی ملاقات ہو گی۔

ملاقات میں پاکستان اور روس کے درمیان تعلقات کا فروغ ایجنڈے میں شامل ہے، خطے کی سلامتی کے امور اور عالمی معامالات پر مشاورت کی جائیگی-

وزیراعظم شہباز شریف کی چینی صدر شی جن پنگ سے  ملاقات بھی شیڈول ہوگئی ہے۔ اس کے علاوہ ترک صدر اردگان،آذربائیحان کے صدر الہام علیوف اور دیگر سے بھی ملاقاتوں کا شیڈول بھی طے ہوگیا ہے۔

خیال رہے کہ وزیراعظم شہباز شریف شنگھائی تعاون تنظیم سمٹ میں شرکت کے لیے 30 اگست کو چین پہنچیں گے۔