سہ فریقی سیریز :یو اے ای کا افغانستان کیخلاف ٹاس جیت کر باؤلنگ کا فیصلہ

شارجہ: پاکستان،افغانستان اور متحدہ عرب امارات( یو اے ای) کے مابین جاری سہ ملکی سیریز کے تیسرے میچ میں یو اے ای نے افغانستان کے خلاف ٹاس جیت کر پہلے باؤلنگ کرنے  کا فیصلہ کیا ہے۔

شارجہ کرکٹ اسٹیڈیم میں کھیلے جانے والے میچ میں یو اے ای نے افغانستان کے خلاف ٹاس جیت کر فیلڈنگ کا فیصلہ کیا ہے۔

اس موقع پر یو اے ای کے کپتان محمد وسیم کاکہناتھا کہ افغانستان کو 160 رنز ہدف تک محدود رکھنے کی کوشش کریں گے۔

دوسری جانب افغانستان کے کپتان  راشد خان کا کہناتھا کہ ٹاس جیتتے تو پہلے بیٹنگ کا فیصلہ ہی کرتے۔

خیال رہے کہ سہ ملکی سیریز کا پہلا میچ پاکستان اور افغانستان کے درمیان کھیلا گیا تھا جس میں پاکستان نے 39 رنز سے فتح حاصل کی، دوسرا میچ پاکستان اور یو اے ای کے درمیان کھیلا گیا اس میچ میں بھی پاکستان کو 31 رنز سے فتح حاصل ہوئی۔

کل بروز منگل پاکستان اور ا فغانستان اپنا دوسرا میچ کھیلیں گے، اس ٹورنامنٹ کی دو بہترین ٹیمیں 7 ستمبر کو فائنل کھیلیں گی۔