کالا باغ ڈیم مستقبل کے لیے ضروری ہے، سب کو آگے بڑھنا ہوگا: علی امین گنڈاپور

وزیراعلیٰ خیبرپختونخوا علی امین گنڈاپور نے کہا ہے کہ کالا باغ ڈیم جیسے اہم قومی منصوبے کو سب کو مطمئن کرکے اپنے بچوں، نسلوں اور پاکستان کے بہتر مستقبل کے لیے مکمل کیا جانا چاہیے۔

اپنے ایک بیان میں ان کا کہنا تھا کہ وہ صوبائیت کے نام پر پورے پاکستان کو نقصان نہیں پہنچا سکتے اور نہ ہی قومی مفاد کو پیچھے دھکیل سکتے ہیں۔

انہوں نے زور دیتے ہوئے کہا کہ کالا باغ ڈیم جیسے منصوبے پر سب کی مشاورت اور تحفظات کو دور کرکے اتفاقِ رائے سے کام ہونا چاہیے تاکہ آنے والی نسلوں کو پانی، توانائی اور ترقی کے بہتر مواقع میسر آئیں۔

وزیراعلیٰ کا کہنا تھا کہ تمام فریقین کو ان کے جائز حقوق کے مطابق اعتماد میں لے کر اس قسم کے منصوبے مکمل کیے جا سکتے ہیں، جو ملک و قوم کے لیے سودمند ثابت ہوں گے۔