آسٹریلوی فاسٹ بولر مچل اسٹارک کا ٹی ٹوئنٹی انٹرنیشنل سے ریٹائرمنٹ کا اعلان

آسٹریلوی فاسٹ بولر مچل اسٹارک نے ٹی ٹوئنٹی انٹرنیشنل سے فوری طور پر ریٹائرمنٹ کا اعلان کردیا۔

کرکٹ آسٹریلیا کے مطابق میچل اسٹارک نے ٹیسٹ اور ون ڈے پر فوکس کے لیے ٹی ٹوئنٹی انٹرنیشنل سے ریٹائرمنٹ کا فیصلہ کیا۔ 

35 سالہ فاسٹ بولر، جو پچھلے سال ٹی ٹوئنٹی ورلڈ کپ کے بعد سے کوئی ٹی ٹوئنٹی انٹرنیشنل میچ نہیں کھیلے، اب آسٹریلیا کو صرف  ٹیسٹ اور ون ڈے میچز کے لیے دستیاب ہوں گے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Aussie Men’s Cricket Team (@ausmencricket)

اس کے علاوہ اسٹارک ڈومیسٹک ٹی ٹوئنٹی لیگز، بشمول انڈین پریمیئر لیگ میں بھی شرکت کرتے رہیں گے۔

آسٹریلوی میڈیا کے مطابق مچل اسٹارک نے اپنے بیان میں کہا ہے کہ ٹیسٹ کرکٹ میری ہمیشہ سے سب سے اہم ترجیح رہی ہے۔

اسٹارک نے کہا کہ میں نے آسٹریلیا کے لیے کھیلے گئے ہر ایک ٹی ٹوئنٹی میچ کو انجوائے کیا،  2021 کا ٹی ٹوئنٹی ورلڈ کپ جیتنا خاص لمحہ تھا۔

واضح رہے کہ مچل اسٹارک نے آسٹریلیا کیلئے 65 ٹی ٹوئنٹی انٹرنیشنل کھیلے جس میں انہوں نے 79 وکٹیں حاصل کیں۔