عید الاضحیٰ پر پاکستان ایئر فورس کی شہریوں سےاپیل

ترجمان پاک فضائیہ کا کہنا ہے کہ  عیدالاضحیٰ پرجانوروں کی اوجڑیاں  اور دیگر باقیات ہرجگہ پرنہ پھینکیں،آلائشوں سے پرندے جہازوں سے گولی یا میزائل کی طرح ٹکراکر نقصان پہنچا سکتےہیں،اگرجہازخدانخواستہ گھروں کے اوپرگرجائےتوناقابل تلافی جانی ومالی نقصان ہوسکتا ہے، ذبح شدہ جانوروں کی انتڑیاں ، اوجڑیا ں اوردیگرباقیات صرف متعین شدہ جگہوں پرپھینکیں یا انہیں زمین میں دبا دیں۔

مزید پڑھیں: طالبان افغانستان پر قبضہ ختم کردیں ، ترک صدر

ترجمان پاک فضائیہ کا مزید کہنا تھا کہ ضلعی انتظامیہ کی گاڑیوں کو مجبور کریں وہ انتڑیاں اور اوجڑیاں وقت پراٹھائیں،ضلعی انتظامیہ کمیٹی کےعدم تعاون کی صورت میں قریب ترین ایئربیس انتظامیہ کو مطلع کریں، اپنے ارد گرد کے ماحول کو صاف رکھ کر ذاتی اور فضائی تحفظ کو یقینی بنائیں۔