اسلام آباد کی عدالت میں سامعہ حجاب اغوا کیس: ملزم کی ایک مقدمے میں ضمانت منظور

اسلام آباد: ایڈیشنل ڈسٹرکٹ اینڈ سیشن جج عامر ضیاء نے معروف ٹک ٹاکر سامعہ حجاب کے مبینہ اغوا کیس میں نامزد ملزم حسن زاہد کی ایک مقدمے میں ضمانت منظور کرلی ہے۔

سماعت کے دوران ملزم کے وکیل نے عدالت کو بتایا کہ ان کے مؤکل بے گناہ ہیں اور ان کے خلاف درج مقدمہ ہراسانی اور بلیک میلنگ کی نیت سے بنایا گیا ہے۔ وکیل نے عدالت سے استدعا کی کہ حسن زاہد کو ضمانت دی جائے۔

عدالت نے وکیل کے دلائل سننے کے بعد ملزم کی ضمانت 20 ہزار روپے کے مچلکوں کے عوض منظور کرلی۔ ساتھ ہی ضمانت قبل از گرفتاری کی درخواست پر 9 ستمبر کو دلائل طلب کر لیے گئے ہیں۔