وزیر اعظم کا فون ہیک ہونے کا انکشاف، واٹس ایپ طرز کی نئی اپلیکیشن لانے کی تیاری

تفصیلات کے مطابق  بھارت اسرائیلی کمپنی کے ذریعے وزیراعظم اور کابینہ ارکان کے فون کالز اور میسجز ریکارڈ کرنے کی کوشش کرتا رہا ہے ،بھارت کی جاسوسی پر اعلی عسکری اور سول قیادت کی بیٹھک ہوئی ہے ۔  بھارت کی جاسوسی پر لائحہ عمل مرتب کیا جا رہا ہے ۔

ذرائع کا کہنا ہے کہ وزراء سمیت سرکاری افسران کیلیے واٹس آپ طرز کی نئی اپلیکیشن لانے پر مشاورت کی  گئی ہے  ، ایپلیکیشن کا استعمال عوامی سطح پر نہیں ہو گا، سکیورٹی اور سائبر اٹیکس کو مد نظر رکھتے ہوئے ‏ڈیزائن کی جائے گی۔

خیال رہے کہ   غیر ملکی خبر رساں ادارے کی جانب سے  جاری رپورٹ میں انکشاف ہوا ہے کہ اسرائیلی ہیکنگ سافٹ ویئر عمران خان کےخلاف بھی استعمال ہوا ہے۔سافٹ ویئراس وقت استعمال ہواتب عمران خان وزیراعظم نہیں تھے، ریکارڈ کے مطابق مختلف نمبرز میں ایک نمبر وزیراعظم عمران خان  کے زیراستعمال تھا۔