سیالکوٹ: نالہ پلکھو ریلوے پل پر کوبرا سانپوں کی موجودگی کا انکشاف شہری خوف کا شکار

سیالکوٹ: نالہ پلکھو کے ریلوے پل کے اطراف میں خطرناک کوبرا سانپوں کی موجودگی کی اطلاعات ملی ہیں۔ 

مقامی افراد کے مطابق تین سے چار کوبرا سانپ پل کے نیچے دیکھے گئے ہیں جو رات کے وقت گھروں میں بھی داخل ہو جاگئے جس سےشہریوں میں شدید خوف و ہراس پھیل چکا ہے۔

دوسری جانب اس حوالے سے چیف ایگزیکٹو آفیسر ہیلتھ سیالکوٹ ڈاکٹر محمد اسلم چوہدری نے کہا ہے کہ سیلاب کی وجہ سے ضلع بھر میں سانپ کے ڈسنے کے 14 واقعات ہو چکے ہیں۔

خیال رہے کہ ملک میں حالیہ شدید سیلابی صورتحال کے باعث کئی علاقوںمیں مختلف قسم کے کیڑوں ومکوڑوں  اور سانپوں کی موجودگی کا انکشاف ہوا جس سے نہ صرف انسانوں بلکہ ان کے مال مویشیوں کی جان کو بھی شدید خطرات لاحق ہیں۔