کیا حساس مزاج ہونا ذہنی بیماریوں کی بڑی وجہ ہے؟ نئی تحقیق نے چونکا دیا

لندن: برطانوی سائنس دانوں نے انکشاف کیا ہے کہ ہائیلی سینسٹیو پرسن کہلانے والے افراد میں ذہنی صحت کے مسائل، خاص طور پر ڈپریشن اور اینگزائٹی کا خطرہ دوسروں کے مقابلے میں زیادہ ہوتا ہے۔

تحقیق میں 12 سال کے دوران 12 ہزار سے زائد افراد کے ڈیٹا کا تجزیہ کیا گیا، جس میں بتایا گیا کہ حساس مزاج لوگ نہ صرف ڈپریشن اور اینگزائٹی بلکہ پی ٹی ایس ڈی(Post-traumatic stress disorder)، ایگورافوبیا اور اوائیڈنٹ پرسنالٹی ڈس آرڈر (Avoident personality Disorder)کا بھی زیادہ شکار ہوتے ہیں۔

ماہرین کا کہنا ہے کہ یہ افراد منفی حالات سے زیادہ متاثر ہوتے ہیں لیکن مثبت تجربات اور علاج پر بھی بہتر ردعمل دیتے ہیں۔ اس لیے علاج اور تشخیص کے دوران حساسیت کو مدِنظر رکھنا ضروری ہے۔

تحقیقی ٹیم نے یہ بھی اعتراف کیا کہ مطالعے میں زیادہ تر نوجوان اور اعلیٰ تعلیم یافتہ خواتین شامل تھیں۔ 

ماہرین کے مطابق بڑھتی ہوئی ذہنی بیماریوں کے تناظر میں یہ تحقیق علاج کے نئے طریقے متعارف کرانے میں مددگار ثابت ہو سکتی ہے۔