مالاکنڈ:سنگ دل شوہر نے فائرنگ کرکے بیوی اور سسر سمیت 5 افراد کو قتل کرڈالا

مالاکنڈ: خیبر پختونخوا کے ضلع مالاکنڈ میں گھریلو جھگڑے پرسنگ دل شوہر نے فائرنگ کر کے بیوی اور سسر سمیت 5 افراد کو قتل کر دیا۔

تفصیلات کے مطابق فائرنگ کا واقعہ مالا کنڈ کے علاقے ڈھیری جولگرام کنڈ میں پیش آیا جہاں ملزم نے فائرنگ کرکے اپنی بیوی اور سسر سمیت 5 افراد جاں بحق ہق گئے جبکہ ملزم واقعے کے بعد موقع سے فرار ہو گیا۔

پولیس کا اس حوالے سے کہنا ہے کہ منصور نامی ملزم نے سسر کے گھر میں داخل ہو کر فائرنگ کی، ملزم اپنی بیوی اور سسر سمیت 5 افراد کو قتل کر کے فرار ہو گیا، ملزم کی بیوی کافی عرصے سے روٹھ کر میکے میں تھی۔

پولیس کا کہنا ہے مقتولین کی لاشوں کو پوسٹ مارٹم کے لیے اسپتال منتقل کردیا گیا ہے، اور ملزم کی تلاش جاری ہے۔