باجوڑ: کرکٹ گراؤنڈ میں دھماکے سے ایک شخص جاں بحق،ایک زخمی

باجوڑ: صوبہ خیبرپختونخوا کے ضلع باجوڑ کی ایک کرکٹ  گراؤنڈ میں بم دھماکہ ہوا ہے، جس کے نتیجے میں ایک شخص جاں بحق جبکہ بچہ زخمی ہوگیا۔ 

پولیس حکام  کے مطابق باجوڑ کی تحصیل خار کے علاقے میں واقع کوثر کرکٹ گراؤنڈ میں میچ کے دوران بم دھماکا ہوا جس کے نتیجے میں بھگڈر مچ گئی۔

پولیس کے مطابق دھماکے میں ایک شخص جاں بحق جبکہ بچہ زخمی ہوا ہے، زخمی کو طبی امداد جبکہ لاش کو ضابطے کی کارروائی کیلیے اسپتال منتقل کردیا گیا ہے۔

پولیس کے مطابق جاں بحق شخص کی شناخت فضل اللہ کے نام سے ہوئی، جبکہ دھماکے کی آواز دو دور تک سنائی گئی تھی۔

پولیس کا کہنا ہے کہ دھماکا اس وقت ہوا جب گراؤنڈ میں مقامی کھلاڑی کھیل میں مصروف تھے، دھماکے کے بعد سیکیورٹی اداروں کے اہلکاروں موقع پر پہنچ گئے۔

پولیس کے مطابق جائے وقوعہ پر امدادی کارروائی جاری ہیں جبکہ شواہد اکھٹے اور زخمیوں کو اسپتال منتقل کیا جارہا ہے۔