صدرِ مملکت نے عید میلاد النبیﷺ پر قیدیوں کے لیے 180 روز کی خصوصی معافی منظور کر لی

اسلام آباد: صدرِ مملکت آصف علی زرداری نے عید میلاد النبی ﷺ کے موقع پر قیدیوں کی سزا میں 180 روز (6 ماہ) کی خصوصی معافی کی منظوری دے دی ہے۔

یہ معافی آئین کے آرٹیکل 45 کے تحت وزیراعظم کی مشاورت اور اتفاقِ رائے سے دی گئی، جس کا باضابطہ اعلامیہ ایوانِ صدر کی جانب سے جاری کیا گیا۔

ابتدائی طور پر وفاقی کابینہ نے 100 دن کی سزا معافی کی سفارش کی تھی، تاہم وزیراعظم اور صدر کی مشاورت سے اسے 180 دن تک بڑھا دیا گیا۔

اعلامیے کے مطابق، یہ معافی صرف اُن قیدیوں پر لاگو ہوگی جو قانونی معیار پر پورا اترتے ہیں۔

معافی کا اطلاق جرائم میں سزا یافتہ قیدیوں پر نہیں ہوگا ۔