متعدد معاہدے زرعی ترقی میں "نئی راہیں کھولنے" کے مترادف قرار

وفاقی وزیر برائے نیشنل فوڈ سیکیورٹی رانا تنویر حسین نے چینی کمپنیوں کے اعلیٰ حکام سے ملاقات کی، جہاں دونوں ممالک نے زرعی ٹیکنالوجی، بیج، مشینری اور اسمارٹ ایگریکلچر کے شعبوں میں تعاون بڑھانے پر اتفاق کیا۔

رانا تنویر حسین نے معاہدوں کو پاکستان کے لیے زرعی ترقی میں "نئی راہیں کھولنے" کے مترادف قرار دیا، اور کہا کہ پریسیژن ایگریکلچر اور ڈیٹا پر مبنی پیداوار کے ذریعے زرعی کارکردگی میں نمایاں بہتری ممکن ہو سکے گی۔ انہوں نے کہا کہ یہ اقدامات نہ صرف غذائی تحفظ کو یقینی بنائیں گے بلکہ برآمدات کو بھی دوگنا کرنے میں مدد دیں گے۔

وفاقی وزیر نے اس بات پر زور دیا کہ چین کی 215 ارب ڈالر کی زرعی درآمدی منڈی میں پاکستان کے لیے بے پناہ مواقع موجود ہیں، اور پاکستان کم لاگت اور معیاری زرعی اجناس فراہم کرنے کی مکمل صلاحیت رکھتا ہے۔