برازیلی ارب پتی نے ایک ارب ڈالر کی جائیداد فٹبالر نیمار کے نام کر دی

برازیل کے ایک گمنام ارب پتی شخص نے حیران کن اقدام کرتے ہوئے اپنی مکمل جائیداد، جس کی مالیت تقریباً ایک ارب ڈالر بتائی جا رہی ہے، عالمی شہرت یافتہ فٹبالر نیمار کے نام کرنے کی وصیت کی ہے۔

مذکورہ ارب پتی نے جون 2025 میں قانونی طور پر نوٹری کے ذریعے یہ وصیت درج کروائی، جس میں انہوں نے واضح کیا کہ اگرچہ ان کی اور نیمار کی کبھی ملاقات نہیں ہوئی، تاہم وہ نیمار کی انسان دوستی، خاندانی وابستگی، اور خاص طور پر اپنے والد کے ساتھ ان کے مضبوط تعلق سے متاثر ہوئے۔

یہ معاملہ اب برازیلی عدالتوں میں زیرِ غور ہے تاکہ یہ طے ہو سکے کہ نیمار اس جائیداد کو قبول کرتے ہیں یا نہیں۔ ساتھ ہی، قانونی اور ٹیکس سے متعلق پیچیدگیاں بھی سامنے آ سکتی ہیں، جنہیں حل کرنا عدالتی عمل کا حصہ ہوگا۔