پی سی بی نے ڈائریکٹر انٹرنیشنل کرکٹ عثمان واہلہ کو معطل کر دیا ،مگر کیوں؟ وجہ سامنے آ گئی

لاہور:پاکستان کرکٹ بورڈ (پی سی بی )نےڈائریکٹر انٹرنیشنل کرکٹ عثمان واہلہ کو معطل کر دیا۔  

ذرائع کے مطابق  فوری طور پر میچ ریفری کے معاملے پر ایکشن  نہ لینے پر پی سی بی نےڈائریکٹر انٹرنیشنل کرکٹ عثمان واہلہ کو معطل کر دیا۔  
ذرائع کے مطابق ڈائریکٹر انٹرنیشنل کرکٹ عثمان واہلہ کو گزشہ روز بھارت کے خلاف میچ کے دوران پیدا ہونے والی صورتحال پر آئی سی سی کو خط دیر سے لکھنے پر برطرف کیا۔

ذرائع کا بتانا ہے کہ عثمان واہلہ کو ایشیا کپ کے میچ میں بھارتی ٹیم اور میچ ریفری کے حوالے سے ردعمل دینے میں تاخیر پر معطل کیا گیا۔
 اس سے قبل میچ ریفری کی تبدیلی تک پاکستان نے ایشیا کپ کے مزید میچز نہ کھیلنے کا فیصلہ کیا ہے۔

دوسری جانب چیئرمین پی سی بی محسن نقوی کاکہنا ہےکہ میچ ریفری کی جانب سے آئی سی سی کوڈ آف کنڈکٹ اور ایم سی سی قوانین کی خلاف ورزی پر باضابطہ شکایت کی گئی ہے ،میچ ریفری نے کرکٹ کی سپرٹ کے خلاف اقدامات کیے،پی سی بی نے ایشیاکپ سے میچ ریفری اینڈی پائی کرافٹ کو فوری ہٹانے کا مطالبہ کیا ہے۔