بابا گرو نانک دیو جی کے 486ویں جوتی جوت کی تین روزہ تقریبات کا آج سے آغاز

نارووال:سکھ مذہب کے بانی بابا گرو نانک کی 486 ویں برسی کی 3 روزہ جوتی جوت تقریبات کا آغاز آج سے کرتارپور گردوارہ میں ہوگا۔

 گردوارہ کرتار پورانتظامیہ کے مطابق دنیا بھر اور پاکستان کے مختلف شہروں سے بڑی تعداد میں سکھ یاتری ان تقریبات میں شرکت کر رہے ہیں تاہم بھارت نے اپنے یاتریوں کو کرتارپور میں جوتی جوت کی تقریب میں شرکت کی اجازت نہیں دی جس کے باعث راہداری بند رہنے کے ساتھ ساتھ واہگہ کے راستے سے بھی کوئی یاتری شریک نہیں ہوگا۔

گیانی گوبند سنگھ نے کہا کہ کرتارپور گردوارہ ہمیشہ کی طرح امن، محبت اور بھائی چارے کا پیغام دیتا ہے اور یہ تقریبات اسی روایت کو آگے بڑھانے کے لیے منعقد کی جا رہی ہیں۔

ان کا مزید کہنا تھا کہ بابا گرو نانک کی برسی کی اختتامی تقریب 22 ستمبر کو ہوگی۔

دوسری جانب اس حوالے سے مشرقی پنجاب کے وزیراعلیٰ بھگونت مان سنگھ نے بھی مودی سرکار پر کڑی تنقید کی تھی مگر مودی سرکار کے کان پر جوں تک نہ رینگی۔