ایشیا کپ : بنگلادیش کا سری لنکا کے خلاف فیلڈنگ کا فیصلہ

ایشیا کپ ٹی ٹوئنٹی ٹورنامنٹ کے سپر فور مرحلے کے پہلے مقابلے میں بنگلادیش نے سری لنکا کے خلاف ٹاس جیت کر پہلے فیلڈنگ کرنے کا فیصلہ کیا ہے۔

یہ اہم میچ دبئی کے انٹرنیشنل اسٹیڈیم میں جاری ہے، جہاں دونوں ٹیمیں سپر فور کے مرحلے میں اپنی پوزیشن مستحکم کرنے کے لیے میدان میں اتری ہیں۔ ایشیا کپ کے گروپ اسٹیج سے گروپ اے میں سے پاکستان اور بھارت نے جبکہ گروپ بی سے سری لنکا اور بنگلادیش نے سپر فور کے لیے کوالیفائی کیا تھا۔

اس مرحلے میں ٹیمیں ایک دوسرے کے خلاف کھیل کر فائنل کے لیے کوالیفائی کریں گی، اور شائقین کو کئی سنسنی خیز مقابلے دیکھنے کو ملیں گے۔