’’میچ ہوندے رہندے، حارث رؤف چک کے رکھ’’6-0 کے اشاروں پر وزیر دفاع کا ردعمل

اسلام آباد:وزیر دفاع خواجہ آصف نے فاسٹ باؤلر حارث رؤف کو کہا کہ “کم چک کے رکھ”

تفصیلات کے مطابق وزیر دفاع خواجہ آصف نے سماجی رابطے کی ویب سائٹ ایکس  پر لکھا کہ “حارث رؤف ٹھیک ٹکریا، کم چک کے رکھ”۔

ایکس پوسٹ میں انہوں نےمزید کہا کہ کرکٹ میچ تے ہوندے رہندے پر 6/0 تے قیامت تک انڈیا نہیں بھولے گا۔ اور دنیا بھی یاد رکھے گی۔

خیال رہے کہ گزشتہ روز ایشیا کپ سپرفور مرحلے کے پاک بھارت میچ کے دوران حارث رؤف جب باؤنڈری پر فیلڈنگ کر رہے تھے تو بھارتی شائقین کی جانب سے آوازیں لگائی گئیں۔

 جس کے جواب میں حارث رؤف نے ہاتھ کی انگلیوں سے 6-0 کا نشان بنایا۔ اور ہاتھ سے جہاز اڑانے اور گرنے کا اشارہ بھی کیا۔

حارث رؤف کے اس اقدام پر سوشل میڈیا پر طوفان کھڑا ہو گیا اور بھارتی صارفین آگ بگولہ ہو گئے۔