ائیر بلو کو برطانیہ کے لیے براہ راست پروازوں کی اجازت مل گئی

برطانیہ نے پاکستان کی نجی ایئرلائن ائیر بلو کو برطانیہ کے لیے براہ راست پروازیں شروع کرنے کی باضابطہ اجازت دے دی ہے۔

ائیر بلو کی انتظامیہ نے  گفتگو کرتے ہوئے اس پیشرفت کی تصدیق کی اور بتایا کہ یو کے سول ایوی ایشن اتھارٹی نے ائیر بلو کو تھرڈ کنٹری آپریٹر (TCO) سرٹیفکیٹ جاری کر دیا ہے، جو کہ بین الاقوامی پروازوں کے لیے لازمی اجازت نامہ ہے۔

یورپ اور برطانیہ کے لیے عائد پابندیاں ہٹنے کے بعد، ائیر بلو پہلی پاکستانی ایئرلائن بن گئی ہے جسے برطانیہ کے لیے براہ راست پروازیں چلانے کی منظوری ملی ہے۔

ایئرلائن ذرائع کے مطابق، ائیر بلو ابتدائی طور پر اسلام آباد سے براستہ استنبول، برطانوی شہر لیڈز کے لیے پروازیں چلائے گی، جب کہ اس کے بعد مانچسٹر کے لیے بھی فلائٹ آپریشن شروع کیا جائے گا۔

ائیر بلو کا منصوبہ ہے کہ وہ رواں سال نومبر سے برطانیہ کے لیے اپنی پروازوں کا باقاعدہ آغاز کرے۔

دوسری جانب، قومی ایئر لائن (PIA) کے حکام کا کہنا ہے کہ انہیں اب بھی برطانوی سول ایوی ایشن اتھارٹی سے اجازت ملنے کا انتظار ہے۔