ایشیا کپ ٹی ٹوئنٹی: پاکستان کے خلاف سپر فور مرحلے میں بنگلادیش کا فیلڈنگ کا فیصلہ

دبئی میں جاری ایشیا کپ ٹی ٹوئنٹی کے سپر فور مرحلے کے اہم میچ میں بنگلادیش نے ٹاس جیت کر پاکستان کو پہلے بیٹنگ کی دعوت دی ہے۔

میچ دبئی کے انٹرنیشنل کرکٹ اسٹیڈیم میں کھیلا جا رہا ہے جہاں پاکستان ٹیم نے سری لنکا کے خلاف پچھلے میچ کی پلیئنگ الیون کو برقرار رکھا ہے، کسی قسم کی کوئی تبدیلی نہیں کی گئی۔

اس اہم مقابلے میں کامیابی حاصل کرنے والی ٹیم اتوار کو بھارت کے خلاف فائنل میں جگہ بنائے گی، جبکہ بھارت پہلے ہی فائنل کے لیے کوالیفائی کر چکا ہے۔

ایشیا کپ کے سپر فور مرحلے کا آخری میچ کل بھارت اور سری لنکا کے درمیان کھیلا جائے گا۔