حارث رؤف اور رونالڈو کے بعد اے بی ڈی ویلیئرز نے بھی رافیل گرادیے،ویڈیو وائرل

لاہور: جنگی جنون میں مبتلا بھارت کا فالس فلیگ آپریشن سیندور کی آڑ میں پاکستان پر جنگ مسلط کرنے کی کوشش چار ماہ گزر جانے کے باوجود ذلت و رسوائی کا سبب بن رہی ہے۔

دوران جنگ بھارت نے پہلے دنیا کے جدید ترین سمجھے جانے والے ففتھ جنریشن اسٹیلتھ رافیل طیارے اور جدید ایس 400 دفاعی نظام تباہ کروالیا جس پر عالمی سطح پربھارت کو کافی سبکی کا سامنا کرپڑا تھا۔

اب جنگ کے بعد نہ صرف سیاسی اور سفارتی محاذ بلکہ کھیلوں کے میدان میں بھی اسٹار کھلاڑیوں کی جانب سے بھارت کا مذاق اڑایا جارہا ہے۔

حالیہ پاک بھارت میچ کے دوران حارث رؤف نے بھارتی شائقین کی جانب سے غیر اخلاقی جملے کسے جانے پر ہاتھ سے رافیل گرنے کا اشارہ کیا،جس کے دنیائے فٹبال کے عظیم کھلاڑیوں میں سے ایک کرسٹیانو رونالڈو نے بھی رافیل گرنے کا اشارہ کرکے بھارتیوں کو آگ بگولہ کردیا جس کی ویڈیو وفاقی وزیر داخلہ اور چیئرمین پی سی بی محسن نقوی نے بھی شیئر کی۔

Look, South African cricketer AB de Villiers has also realized that the respect Pakistan is getting in the world is due to the downfall of Rafale.
😜🇵🇰❗️🦾 pic.twitter.com/8g8DKRhrrC

— Hash (@Hash2di) September 26, 2025

تاہم اب حال ہی میں’مسٹر360’ کے نام سے مشہور جنوبی افریقی بلے باز اے بی ڈی ویلیئرز کی بھی ویڈیو وائرل ہورہی ہے جس میں وہ ہاتھ سے بلکل ایسے ہی اشارہ کررہے ہیں جیسے حارث رؤف اور کرسٹیانو رونالڈو نے کیا تھا۔

صارفین کی جانب سے رونالڈو اور ڈی ویلیئر ز کی ویڈیو پر طرح طرح کے تبصرے کیے جارہے ہیں، ایک صارف نے کمنٹ کرتے ہوئے کہا کہ’ چلو مانا پاکستانیوں کو تو رافیل گرنے کا علم ہے مگر رونالڈو اور ڈی ویلیئر ز کو یہ سب کس نے بتایا؟