نواز شریف کو جنیوا کے اسپتال سے ڈسچارج کر دیا گیا

پاکستان مسلم لیگ (ن) کے صدر نواز شریف کو جنیوا کے ایک اسپتال سے فارغ کر دیا گیا ہے۔

خاندانی ذرائع کے مطابق، نواز شریف اسپتال میں سات روز زیر علاج رہے جہاں ان کے دل کا ایک طبی عمل (پروسیجر) انجام دیا گیا۔

ذرائع کا کہنا ہے کہ نواز شریف اب جنیوا کے ایک ہوٹل میں مقیم ہیں، جہاں وہ اپنے بیٹے حسن نواز اور معالج ڈاکٹر عدنان کے ساتھ موجود ہیں، اور ان کی صحت مکمل طور پر بہتر ہے۔

خاندانی ذرائع نے مزید بتایا کہ ان کا علاج وہی سرجن کر رہا ہے جو گزشتہ کئی برسوں سے ان کی نگہداشت کر رہا ہے۔