صدر مملکت نےقومی اسمبلی اجلاس 29 ستمبر اور سینیٹ اجلاس 30 ستمبر کو طلب کر لیا

اسلام آباد:صدر مملکت اسلامی جمہوریہ پاکستان آصف علی زرداری نےسینیٹ اور قومی اسمبلی کا اجلاس طلب کرلیا۔

تفصیلات کے مطابق صدر مملکت نے قومی اسمبلی کا اجلاس مورخہ 29 ستمبر 2025 بروز پیر سہ پہر 5 بجے پارلیمنٹ ہاؤس میں طلب کیا ہےجبکہ سینٹ کا اجلاس مورخہ 30ستمبر بروز منگل سہ پہر 4بجے پارلیمنٹ ہاؤس میں طلب کیا ہے۔

قومی اسمبلی کا 29 ستمبر کو ہونے والا اجلاس موجودہ قومی اسمبلی کا 20 واں اجلاس ہوگا۔

صدر مملکت نےسینیٹ اور قومی اسمبلی کا اجلاس آئین کے آرٹیکل 54 کی شق 1 کے تحت تفویض شدہ اختیارات کو بروئے کار لاتے ہوئے طلب کیا ہے۔

اجلاس میں قانون سازی سمیت اہم قومی و بین الاقوامی امور پر بحث کی جائے گی۔