سونے کی قیمت میں بڑا اضافہ

کراچی: ملک بھر میں سونے کی قیمتوں میں اضافے کا سلسلہ جاری ہے، اور آج بھی فی تولہ سونے کی قیمت میں بڑی چھلانگ دیکھنے میں آئی ہے۔

آل پاکستان صرافہ جیولرز ایسوسی ایشن کے مطابق، فی تولہ سونا 3,500 روپے مہنگا ہو کر 4 لاکھ 10 ہزار 278 روپے تک پہنچ گیا، جو اب تک کی بلند ترین سطح میں سے ایک ہے۔

اسی طرح 10 گرام سونے کی قیمت میں بھی 3,001 روپے کا اضافہ ہوا، جس کے بعد نئی قیمت 3 لاکھ 51 ہزار 474 روپے ہوگئی ہے۔

دوسری جانب، عالمی مارکیٹ میں بھی سونے کی قیمت میں اضافہ ہوا ہے، جہاں فی اونس سونا 35 ڈالر بڑھ کر 3,890 ڈالر ہو گیا ہے۔