ترکی: استنبول میں زلزلے کے جھٹکے

استنبول میں زلزلے کے جھٹکے محسوس کیے گئے ہیں۔

ترکی کی قدرتی آفات سے نمٹنے والی ایجنسی کے مطابق، جمعرات کے روز استنبول میں 5.0 شدت کا زلزلہ ریکارڈ کیا گیا، جس کا مرکز بحیرہ مرمرا میں شہر کے جنوب مغرب میں واقع تھا۔

زلزلے کے باعث شہر کی متعدد عمارتیں ہل گئیں، اور شہری خوفزدہ ہو کر گھروں سے باہر نکل آئے۔

تاحال کسی جانی یا مالی نقصان کی اطلاع موصول نہیں ہوئی ہے۔