Advertisement

امریکا میں حکومتی شٹ ڈاؤن، فوجی اداروں کے سوشل میڈیا اکاؤنٹس بھی متاثر

سرکاری فنڈنگ کا بل سینیٹ سے منظور نہ ہونے کی وجہ سے شٹ ڈاؤن نافذ ہو گیا ہے، جس کے باعث تقریباً 75 ہزار سرکاری ملازمین کی تنخواہیں روک دی گئی ہیں

GNN Web Desk
شائع شدہ ایک سال قبل پر اکتوبر 2 2025، 9:54 شام
ویب ڈیسک کے ذریعے
امریکا میں حکومتی شٹ ڈاؤن، فوجی اداروں کے سوشل میڈیا اکاؤنٹس بھی متاثر

واشنگٹن میں جاری حکومتی شٹ ڈاؤن کے اثرات امریکی فوج تک جا پہنچے ہیں، جس کے باعث محکمہ جنگ اور افواج کی مختلف شاخوں کے سوشل میڈیا اکاؤنٹس پر سرگرمیاں محدود کر دی گئی ہیں۔

امریکی محکمہ جنگ (Department of Defense) کے ایکس (سابق ٹوئٹر) اکاؤنٹ پر ایک پیغام میں کہا گیا ہے کہ بجٹ کی منظوری نہ ہونے کے سبب اکاؤنٹ کی سرگرمی محدود رہے گی۔ اسی نوعیت کا پیغام امریکی سینٹرل کمانڈ، اسپیس فورس، نیوی اور ایئر فورس کے اکاؤنٹس پر بھی پوسٹ کیا گیا ہے۔

غیر ملکی میڈیا کے مطابق امریکا میں سرکاری فنڈنگ کا بل سینیٹ سے منظور نہ ہونے کی وجہ سے شٹ ڈاؤن نافذ ہو گیا ہے، جس کے باعث تقریباً 75 ہزار سرکاری ملازمین کی تنخواہیں روک دی گئی ہیں اور متعدد سرکاری اداروں کا کام بھی رُک چکا ہے۔ اس صورتحال پر ڈیموکریٹس اور ری پبلکن رہنما ایک دوسرے پر سوشل میڈیا پر الزامات لگا رہے ہیں۔

یاد رہے کہ امریکا میں اس سے قبل 2018-19 میں 35 دن طویل سب سے بڑا شٹ ڈاؤن ہوا تھا، جو سابق صدر ڈونلڈ ٹرمپ کے دور میں پیش آیا تھا۔

Advertisement
رجحانات
Advertisement