سونا عام آدمی کی پہنچ سے دور ،قیمتوں میں پھر ہزاروں روپے اضافہ

کراچی: سونا عام آدمی کی پہنچ سے دور ہو گیا ،عالم ومقامی مارکیٹوں میں سونے کی قیمت میں آج پھر اضافہ ریکارڈ کیا گیا۔

آل پاکستان جیمز اینڈ جیولرزایسوسی ایشن کے مطابق آج ہفتے کے روز مقامی مارکیٹوں میں سونا 2100روپے فی تولہ مہنگا ہوا ہے جس کے بعد سونے کی نئی قیمت4 لاکھ 7 ہزار 778 روپے ہو گئی۔

ایسوسی ایشن کے مطابق اسی طرح دس گرام سونے کے نرخ میںبھی 1801 روپے اضافہ ہوا جس کے بعد قیمت 3لاکھ 51ہزار 404روپے کی سطح پرپہنچ گئی۔

دوسری جانب عالمی بلین مارکیٹ میں سونے کی قیمت میں 21 ڈالر کا اضافہ ہوا ہے جس کے بعد فی اونس قیمت 3ہزار 886ڈالر ہو گئی ہے۔

خیال رہے کہ گزشتہ روز مقامی مارکیٹوں میں سونے کی قیمت بغیر کسی رد وبدل کے مستحکم رہی تھی۔