اداکار ظفری خان، خوشبو اور ندا چودھری کی طویل عرصہ بعد ایک ساتھ پرفارمنس

لاہور: کامیڈی اسٹیج اور تھیٹر کے نامور اداکار ظفری خان، خوشبو اور ندا چودھری طویل عرصہ بعد ایک ساتھ ’نشیلے تیرے نین‘ میں جلوہ گر ہوئے جس کو حاضرین کی جانب سے خوب پسند کیا گیا۔

تفصیلات کے مطابق محفل تھیٹر لاہور میں جاری ڈرامہ ’نشیلے تیرے نین‘ کو بے حد پسند کیا جا رہا ہے،ڈرامے کی خاص بات اداکار ظفری خان، خوشبو اور ندا چودھری ایک ساتھ کافی عرصہ بعد اکٹھے پرفارم کر رہے ہیں۔

ڈرامے کی کہانی رشتوں کی اہمیت کو اجاگر کرتی ہے۔ خوب صورت گیتوں پر رقص نے بھی ڈرامے کی رونق بڑھا دی ہے۔

ڈرامے کی ہدایات ظفری خان نے دی ہیں۔ ڈرامے کو دیکھنے کیلئے عوام کی بڑی تعداد آ رہی ہے اور اسے پسند کر رہی ہے۔ فنکاروں کا کہنا ہے کہ ڈرامے کو مکمل طور پر فیملیز کیلئے تیار کیا گیا ہے۔

ڈرامہ ’نشیلے تیرے نین‘ کی نمایاں کاسٹ میں اداکار ظفری خان، خوشبو، ندا چودھری، گلفام فہد اعوان، معصومہ چودھری، حامد رنگیلا، وسیم پنوں اور دیگر شامل ہیں۔